IANS : ಸುದ್ದಿ ಸಂಸ್ಥೆ ಐಎಎನ್‌ಎಸ್‌ ಖರೀದಿಸಿದ Adani

IANS

 

IANS ನರೇಂದ್ರ ಮೋದಿಯವರ ಆಪ್ತವಲಯದ ಉದ್ಯಮಿ ಗುಜರಾತಿನ ಗೌತಮ್ ಅದಾನಿ ಒಡೆತನದ ಅದಾನಿ ಸಮೂಹವು ಇದೀಗ ಸುದ್ದಿ ಸಂಸ್ಥೆ ಐಎಎನ್‌ಎಸ್‌ (IANS) ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ನ ಬಹುಪಾಲು ಷೇರನ್ನು ಸ್ವಾಧೀನಪಡಿಸಿಕೊಂಡಿದೆ. ಆದರೆ ಖರೀದಿ ಮೊತ್ತವನ್ನು ಮಾತ್ರ ಕಂಪನಿ ಬಹಿರಂಗಪಡಿಸಿಲ್ಲ.

ಅದಾನಿ ಸಮೂಹವು ಮಾಧ್ಯಮ ಕ್ಷೇತ್ರದಲ್ಲಿ ತನ್ನ ಅಸ್ತಿತ್ವವನ್ನು ವಿಸ್ತರಿಸುತ್ತಿದ್ದು, ಈಗಾಗಲೇ  ಎನ್‌ಡಿಟಿವಿ NDTV, ಕ್ವಿಂಟಿಲಿಯನ್ ಬಿಸಿನೆಸ್ Quintillion Business Media Pvt Ltd ಮೀಡಿಯಾವನ್ನು ಖರೀದಿಸಿದೆ. ಇದೀಗ ಅದಾನಿ ಎಂಟರ್‌ಪ್ರೈಸಸ್‌ ನಿಯಂತ್ರಕ ಫೈಲಿಂಗ್‌ನಲ್ಲಿ, Indo-Asian News Service ಎಂಬ ಸುದ್ದಿ ಸಂಸ್ಥೆಯನ್ನು ಹೊಂದಿರುವ ಐಎಎನ್‌ಎಸ್‌ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ನ ಶೇ. 50.50ಯಷ್ಟು ಷೇರುಗಳನ್ನು ತನ್ನ ಅಂಗಸಂಸ್ಥೆ ಎಎಂಜಿ ಮೀಡಿಯಾ ನೆಟ್‌ವರ್ಕ್ಸ್ ಲಿಮಿಟೆಡ್ ಸ್ವಾಧೀನಪಡಿಸಿಕೊಂಡಿರುವುದಾಗಿ ಹೇಳಿದೆ.

Indo-Asian News Service ಸುದ್ದಿಯನ್ನು ಪ್ರಕಟಿಸುವುದಿಲ್ಲ. ಆದರೆ, ಇತರ ಮಾಧ್ಯಮಗಳಿಗೆ ಮುದ್ರಣ, ಆನ್ ಲೈನ್ ಮತ್ತು ಟಿವಿ ಚಾವಲುಗಳಿಗೆ ಸುದ್ದಿಯನ್ನು ಸಂಗ್ರಹಿಸಿ ವಿತರಿಸುತ್ತದೆ.

ಕಳೆದ ವರ್ಷದ ಮಾರ್ಚ್‌ನಲ್ಲಿ ವಾಣಿಜ್ಯ ಮತ್ತು ಹಣಕಾಸು ಸಂಬಂಧಿತ ಡಿಜಿಟಲ್ ಮಾಧ್ಯಮ ಪ್ಲಾಟ್‌ಫಾರ್ಮ್ ಬಿಕ್ಯೂ ಪ್ರೈಮ್ ಅನ್ನು ನಿರ್ವಹಿಸುವ ಕ್ವಿಂಟಿಲಿಯನ್ ಬಿಸಿನೆಸ್ ಮೀಡಿಯಾವನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಅದಾನಿ ಸಮೂಹವು ಮಾಧ್ಯಮ ಜಗತ್ತಿಗೆ ಕಾಲಿರಿಸಿತ್ತು. ಇದಾದ ನಂತರ ಡಿಸೆಂಬರ್‌ನಲ್ಲಿ ಟಿವಿ ವಾಹಿನಿ ಎನ್‌ಡಿಟಿವಿಯ ಶೇ. 65ರಷ್ಟು ಷೇರನ್ನು ಅದಾನಿ ಖರೀದಿಸಿತ್ತು. ಈ ಎರಡೂ ಸ್ವಾಧೀನಗಳನ್ನೂ ಎಎಂಜಿ ಮೀಡಿಯಾ ನೆಟ್ವರ್ಕ್‌ ಲಿ. ಮೂಲಕವೇ ನಡೆಸಲಾಗಿತ್ತು.

ಷೇರು ಪೇಟೆಗೆ ಸಲ್ಲಿಸಿದ ದಾಖಲೆಯಲ್ಲಿ, “ಐಎಎನ್‌ಎಸ್‌ ಸ್ವಾಧೀನಕ್ಕೆ ಸಂಬಂಧಿಸಿದಂತೆ ಐಎಎನ್‌ಎಸ್ ಮತ್ತು ಐಎಎನ್‌ಎಸ್‌ನ ಷೇರುದಾರ ಸಂದೀಪ್ ಬಾಮ್‌ಜಾಯ್ ಜೊತೆ ಎಎಮ್‌ಎನ್‌ಎಲ್ ಷೇರುದಾರರ ಒಪ್ಪಂದಕ್ಕೆ ಸಹಿ ಹಾಕಿದೆ,” ಎಂದು ಅದಾನಿ ಎಂಟರ್‌ಪ್ರೈಸಸ್‌ ಹೇಳಿದೆ.

2022-23ನೇ ಹಣಕಾಸು ವರ್ಷದಲ್ಲಿ (ಏಪ್ರಿಲ್ 2022 ರಿಂದ ಮಾರ್ಚ್ 2023) ಐಎಎನ್‌ಎಸ್ 11.86 ಕೋಟಿ ಆದಾಯ ಗಳಿಸಿತ್ತು. “ಐಎಎನ್‌ಎಸ್‌ನ ಎಲ್ಲಾ ಕಾರ್ಯಾಚರಣೆ ಮತ್ತು ನಿರ್ವಹಣೆಯ ನಿಯಂತ್ರಣವು ಎಎಂಎನ್‌ಎಲ್‌ ಜೊತೆಗೆ ಇರಲಿದೆ. ಮತ್ತು ಎಎಂಎನ್‌ಎಲ್‌ ಐಎಎನ್ಎಸ್‌ ಸಂಸ್ಥೆಯ ಎಲ್ಲಾ ನಿರ್ದೇಶಕರನ್ನು ನೇಮಿಸುವ ಹಕ್ಕನ್ನು ಎಎಂಎನ್ಎಲ್‌ ಹೊಂದಿರುತ್ತದೆ” ಎಂದು ಈ ಫೈಲಿಂಗ್‌ನಲ್ಲಿ ಹೇಳಲಾಗಿದೆ.

IANSIANS“ಮೇಲಿನ ಸ್ವಾಧೀನಕ್ಕೆ ಅನುಗುಣವಾಗಿ, ಐಎಎನ್‌ಎಸ್‌ ಈಗ ಎಎಂಎನ್‌ಎಲ್‌ನ ಅಂಗಸಂಸ್ಥೆಯಾಗಿದೆ.”

ಮೊದಲ ತಲೆಮಾರಿನ ವಾಣಿಜ್ಯೋದ್ಯಮಿಯಾಗಿರುವ ಗೌತಮ್‌ ಅದಾನಿ ಅವರು 1988ರಲ್ಲಿ ಸರಕುಗಳ ವ್ಯಾಪಾರಿಯಾಗಿ ಉದ್ಯಮವನ್ನು ಪ್ರಾರಂಭಿಸಿದ್ದರು. 13 ಬಂದರುಗಳು ಮತ್ತು ಎಂಟು ವಿಮಾನ ನಿಲ್ದಾಣಗಳೊಂದಿಗೆ ಇದೀಗ ಕಂಪನಿಯು ಮೂಲಸೌಕರ್ಯ ವಲಯದಲ್ಲಿ ಭಾರತದ ಅತಿದೊಡ್ಡ ಖಾಸಗಿ ಸಂಸ್ಥೆಯಾಗಿದೆ.

 

ಇತ್ತೀಚಿನ ದಿನಗಳಲ್ಲಿ ಸಮೂಹವು ತಮ್ಮ ವ್ಯಾಪಾರ ಆಸಕ್ತಿಗಳನ್ನು ವೈವಿಧ್ಯಮಯಗೊಳಿಸಿದ್ದು, ಕಲ್ಲಿದ್ದಲು, ವಿದ್ಯುತ್‌ ವಿತರಣೆ, ದತ್ತಾಂಶ ಕೇಂದ್ರಗಳು ಮತ್ತು ಸಿಮೆಂಟ್ ಮತ್ತು ತಾಮ್ರ ಉತ್ಪಾದನೆಯನ್ನು ಆರಂಭಿಸಿದೆ. ಸಂಸ್ಥೆಯು ಖಾಸಗಿ ನೆಟ್‌ವರ್ಕ್ ಅನ್ನು ಸ್ಥಾಪಿಸಲು 5ಜಿ ಟೆಲಿಕಾಂ ಸ್ಪೆಕ್ಟ್ರಮ್ ಅನ್ನೂ ಬಿಡ್ ಮಾಡಿ ಸ್ವಾಧೀನಪಡಿಸಿಕೊಂಡಿದೆ.

Bharat Jodo Yatra: ಡಿಸಂಬರಿನಲ್ಲಿ 2 ನೇ ಹಂತದ ಭಾರತ್​ ಜೋಡೋ ಯಾತ್ರೆ

Leave a Reply

Your email address will not be published. Required fields are marked *