- ಗುರು ಬಬ್ಬಿಗದ್ದೆ 

ಮಾವ ನಿನ್ನ ಮನೆಗೆ, ಅಳಿಯನಾಗಿ ಬರಲೇ

ಮಗನಾಗಿ ಬರಲೇ, ಬೆಳಕಾಗಿ ಬರಲೇ

ನಿನ್ನ ಮಗಳ ಮೇಲೆ ಒಲವಾಗಿ ಬರಲೇ

ನದಿಯಾಗಿ ಬರಲೇ, ಪ್ರೀತಿ ಅಲೆಯನ್ನು ತರಲೇ            ೧

ನೀನು ಹೆತ್ತ ಕುಡಿಯು ನನ್ನ ಜೀವ ಸೆಲೆಯ    

ಅವಳ ಬಾಳ ನಗುವು ನನ್ನ ವನದ ಸುಮವು    

ಅವಳ ಕಣ್ಣ ಕಾಂತಿ ನನಗೆ ಸೂರ್ಯಕಾಂತಿ    

 ನಿನ್ನ ಕರುಳ ಕಂದ, ನನ್ನ ಮನಕೆ ಚಂದ                  ೨ 

ನಿನಗೆ ಹೇಗೆ ಕರುಳೋ, ನನಗೆ ಭಾವ ಬಳ್ಳಿ

ಸುಖದು:ಖಗಳಲಿ ಇರುವೆ ನಾ ಅವಳ ಬಳಿ

ಮಾತು ಮಧುರ, ಮುಗ್ಧೆ ಅವಳು, ಪ್ರೀತಿಯ ಸಾಕಾರ

ನನ್ನ ಮನದ ಹದವನರಿತ ನನ್ನ ಬಾಳ ಮಂದಾರ            ೩   

ಅವಳಿಗೇಗೆ ಪಿತನು ನೀನು, ನನಗೆ ಕಣ್ಣು ಕೊಟ್ಟ ತಂದೆ    

ನಿನ್ನ ಮನದ ಭಾವನೆ ಅರಿತೆ, ನಾನೇ ಅವಳ ತಾಯ್ತಂದೆ    

ನೋವು ಕೊಡೆನು, ನೋಯಿಸೆನು ನಗುವೇ ಅವಳ ಬಾಳಲಿ    

 ಅವಳ ಭಾವ ಸೆಲೆಯ ಒಲಗೆ, ಸುಖವೇ ಮನದಿ ಕಾಣಲಿ     ೪

Bookmark/Search this post with:

 •    •    •