-ಗೋಪೀನಾಥ ರಾವ್

ಅಡಿಗಡಿಗೆ ಗಡಿಗೆ ನೀರು
ಹೊತ್ತು ಬರುವ ಗಂಗೆ
ಕೆಂಪಾದ ಮೂಗು
ತಿಳಿಸುವ ಆಗು ಹೋಗು..
ಬಂದಾಗ ಕಣ್ಣಲ್ಲೂ ನೀರಿಳಿದು ಅತ್ತೆ
ಅತ್ತೆ ಬಂದಿಳಿದ ದಿನ
ನೆತ್ತಿಮೇಲಿಂದ ಇಳಿದಿತ್ತು
ಇಳಿದು ಬಾತಾಯಿ ಇಳಿದು ಬಾ
ಎಂದು ನಾನೆಲ್ಲಿ ಹೇಳಿದೆ?
ಕರೆಯದೇ ಬಂದ ಧಾರಾಳಿ
ಬಿಡುವಿಲ್ಲದೆ ಹಗಲು ರಾತ್ರಿ ಪಾಳಿ
ಕುಡಿಯುವ ನೀರು ವಿದ್ಯುತ್ತಿಗೆ ಬರ
ಎಲ್ಲೆಲ್ಲೂ ನೀರಿಲ್ಲವೆಂಬ ಹಾಹಾಕಾರ
ಮೊರೆಯಿಡುವ ಜನರಿರುವ ನಮ್ಮೂರ
ನರ ನಾರಿಯರೆಲ್ಲರನ್ನೂ
ಕೂಗಿಕರೆದು ತೋರಿಸುವ ಆಸೆ
ಕೊಡ ತನ್ನಿ ಅಣೆಕಟ್ಟ ಹಾಕಿ
ಹೇಗಾದರೂ ಮಟ್ಟ ಹಾಕಿ
ನಿಂತ ಮೇಲೆ
ಅತ್ತೆ ಬಂದು ಹೋದ ಮೇಲಿನ
ಪ್ರಶಾಂತತೆ ಸವಿಯುವ ಸೊಸೆಯಂತೆ
ಹಂತಹಂತವಾಗಿ ಮೇಲೇರಿದ ರಾಜಕಾರಣಿ
ಅಂತೂ ಹೋಗಿ ಮಂತ್ರಿ ಕುರ್ಚಿಯಲ್ಲಿ
ಕಾಲ್ಚಾಚಿ ಕುಳಿತ ಹಾಗೆ
ಏನು ಆರಾಮ ಏನು ಸುಖ!
ನನ್ನದೇ ಹೀಗಾಗಿದ್ದರೆ
ನಿನ್ನದಿನ್ನೇನು ಕಥೆಯೋ ಷಣ್ಮುಖ!

Bookmark/Search this post with:

 •    •    •