- ನಿಶಿ (nishi)
                                      
                                            ಭಾವನೆಗಳ ಉನ್ಮಾದ  
                                   ಶಿಖರಕ್ಕೇರಿ ಮುಗಿಲಿಗೆಟುಕುತ್ತವೆ      
                              ಒಮ್ಮೊಮ್ಮೆ ನನ್ನಾತ್ಮ ಸಖನಿಗೆ 
                        ಹೀಗಾಗಿತ್ತು ಮತ್ತೊಮ್ಮೆ
                    ಮೊನ್ನೆ ತಾನೆ ಕಳೆದ ವ್ಯಾಲೆಂಟೈನ್ಸ್ ದಿನದಂದು
                 "ಮತ್ತೆ ಯೌವನ ಬಂದಂತೆನ್ನಿಸುತ್ತದೇನು ನಿನಗೆ" ?
                 ಕೇಳಿದಾತ ನನ್ನನು
                  ಹೇಳಬೇಕೆನಿಸಿತೆನಗಾಗ
              "ಬೇಡ ಮಹಾರಾಯ -- ನನಗಾದಿನಗಳು,
                 ಕೊಂಡೊಯ್ಯಬೇಡ ನನ್ನಾ ದಿನಗಳಿಗೆ
                 ಬಗೆ ಹರಿಯದ ತೊಳಲಾಟ
                 ನಿರಂತರ ತಕಲಾಟ
                ನನಗೀಗ ಹಿತ, ಈ ಬೆಚ್ಚನೆ ಸುರಕ್ಷತೆ--"
                ಗುಂಯಂಗುಟ್ಟುವ ವಿಚಾರಗಳು ತಲೆಯಲಿ
                ಬಾಯ್ತೆರೆದು ಹೇಳಲಿಲ್ಲ ಮಾತ್ರ
             ಅಂತರಿಕ್ಷದಿಂದವನ ಧರೆಗೆಳೆಯಲು
           ಮನಬಾರದಾಯಿತಾಗ.
                                          

Bookmark/Search this post with:

 •    •    •