- ಗುರು ಬಬ್ಬಿಗದ್ದೆ

ಬಾನ ಚಂದಿರನಲ್ಲಿ ನಗುತ ಸೂರ್ಯನ ಮನಸು

ಆಸೆಯಲಿ ಹೇಳಿತು ಪ್ರೀತಿ ಮಾಡುವ ಚಂದ್ರ

ಕೋಮಲ ಹೂವು ಸೂರ್ಯ ಕೆಂಡದ ಉಂಡೆ

ಸೌಮ್ಯಕೂ ಶಾಖಕೂ ಇಲ್ಲದು ದಂಡೆ ೧

ನಾನು ಗ್ರಹಗಳ ಹಿರಿಯ ಆಗು ಸತಿ

ಎನ್ನ ಮನೆಯ ಒಲವಿನಲಿ ಒಂದಾಗುವ

ಆಳುವ ಜಗವ ಕನಸ ನೀ ಕಾಣದಿರು

ನನಸಾಗದಿದ್ದರದು ನಿರಾಸೆಯೂ ಗತಿಯೂ ನನ್ನಯ ಗೆಳೆಯಾ ೨

ನನ್ನ ನಿನ್ನಯ ಮದುವೆ ಕೋಟಿ ತಾರೆಗಳ ನಡುವೆ

ಬಾರೋ ನೀ ಬಳಿಗೆ ಇಲ್ಲ ಮಳೆಯ ಪರಿವೆ

ನಿನ್ನ ಮಾತಿಗೆ ನಾನು ನಗಲೇ ಇಲ್ಲವೇ ಅಳಲೇ

ಮದುವೆಯ ಮಾತನ್ನೊಂದು ಬಿಡು ನೀ ಮರುಳೇ   ೩

ನಂತರವೇ ಚಳಿಗಾಲ ಬೆಚ್ಚನೆ ಬಯಸುವ ಕಾಲ

ಕಾಲದ ಚಿಂತೆಯೇ ಇಲ್ಲ

ಅಮವಾಸ್ಯೆ ಶಾಪವೇ ಅಲ್ಲ

ಪೂರ್ಣಿಮೆಯ ಇರುಳಲಿ ಎನಗೆ ಪರಮ ಸುಖವು ೪

ಇದ್ದರೆ ಇಬ್ಬರಿಗೂ ಮುನಿಸು ನರಳುವುದು

ಭುವಿಯ ಕೂಸು ಇನ್ನಾದರೂ ಹಟವನು ಬಿಟ್ಟು ತಾಳಿಗೆ ಕೊರಳನ್ನಿಟ್ಟು

ಅಗೋ ಬಂತು ವಸಂತ ಕೋಗಿಲೆಗಳ ಸಂಗೀತ

ಸಂಕ್ರಮಣದ ಕಾಲದಲಿ ಮದುವೆ ಕಾಂತ   ೫

Bookmark/Search this post with:

 •    •    •