ಮದುವೆಯಲ್ಲಿ ಅಣ್ಣ

ಅಂದು: ತವರಿಗೆ ಹೆಸರು ತಾ ತಂಗಿ
ನಲಿಯುತ್ತಾ ಇರು ಕಷ್ಟಗಳನ್ನು ನುಂಗಿ
ಇಂದು: ಹೆಚ್ಚಾದರೆ ಅತ್ತೆ-ನಾದಿನಿಯರ ತರಾಟೆ
ಉಪಯೋಗಿಸು ನಾನು ಕಲಿಸಿದ ಕರಾಟೆ

ಅಮರ ಪ್ರೇಮಿ

ಮುಟ್ಟಲಾಗಲಿಲ್ಲ ಪ್ರೀತಿಯ ತೀರ
ಕಾಲವೂ ತಳ್ಳಿತು ದೂರ
ಇಂದು ನೆನಪುಗಳೇ ಬೆಚ್ಚಗೆ
ಮರೆಯಲಾಗದು ಆ ಹುಚ್ಚಿಗೆ

ಹೆಂಡತಿ ತವರಿಗೆ ಹೋದಾಗ

ಮುಗಿಯುವುದಿಲ್ಲ ಮಾಡಿದಷ್ಟೂ ಕೆಲಸ
ಮುಂಜಾನೆ ಗುಡಿಸಿದರೆ ಸಂಜೆಗೆ ಕಸ
ಅವಳ ಶ್ರಮ ನೋಡುತ್ತಿದ್ದೆ ನಿಂತು
ಈಗ ಬಗ್ಗಿದಾಗ ಸೊಂಟ ಬುದ್ಧಿ ಬಂತು

Bookmark/Search this post with:

 •    •    •