ರಾಜಕಾರಣಿ

ಕಾಗೆಗೆ ಹೊಲಸೇ ಪ್ರಿಯ
ಅದಕ್ಕೆ ತಿಳಿಯದು ಎಮ್ಮೆಯ ಗಾಯ
ಹೊಟ್ಟೆ ತುಂಬುವುದು ಅದರ ಗುರಿ
ಇದು ರಾಜಕಾರಣಿಯ ಉದಾಹರಣೆಗೆ ಸರಿ

ಪೂರ್ಣ ವಿರಾಮ

ಕೊಟ್ಟರೆ ಪ್ರೀತಿಗೆ ಅಲ್ಪ ವಿರಾಮ
ಹೊರಟುಹೋಗುತ್ತದೆ ಸುಖ ಆರಾಮ
ಹಾಕಿಸಿಕೊಂಡು ಅಕ್ಷತೆಯ ಕಾಳು
ಆರಂಭಿಸಿ ದಾಂಪತ್ಯದ ಹೊಸಬಾಳು

ಅಡುಗೆ ಪತಿ

ಅಂದು ನಿನಗೆ ಹೃದಯವನ್ನು ಕೊಟ್ಟು
ಈಗ ಅರೆಯುತ್ತಿದ್ದೇನೆ ದೋಸೆ ಹಿಟ್ಟು
ತಿಳಿದಿದ್ದರೆ ಈ ರೀತಿಯ ಶಿಕ್ಷೆ
ಕೇಳುತ್ತಿರಲಿಲ್ಲ ಪ್ರೇಮದ ಭಿಕ್ಷೆ

Bookmark/Search this post with:

 •    •    •